A SHELTER IN THE TIME OF STORM (Ni Jesus Ti Intay' Cap'tan)

Verse 1
Ni Jesus ti intay' cap'tan,
Ta Isu laeng ti camang.
Uray aniat' mapasamac,
Kencuana talnat' masarak.

Chorus
Ni Jesus ti cap'tan no adda peggad,
Adda peggad, adda peggad;
Ni Jesus ti cap'tan no adda peggad,
Aniaman a mapasamac.

Verse 2
Isut' linongtay' no aldaw,
Datay' ti Inna salingdan;
No rabiit' mapagtengtay'
Datay' ti Inna bantayan.

Verse 3
No ti bagyo umasideg,
Kencuana intay' cumapet;
Isut' sarkedtay' ken talged,
Aniaman a mapasangpet.

Verse 4
O, Jesus, Dios a nadungngo,
Sica ti talecmi, Apo.
Iti peggad a masango,
Dacam' cadi ti yespalmo.

AGTACDERAC CARI NI CRISTO (Standing on the Promises)

1.  Agtakderac cari ni Jesu Cristo, Iti agnanayon idaydayawco; "Gloria diay Cangatoan," ti icancantac, Agtacderac iti Carina.

Coro: Agtacderac, Agtacderac ti Cari ni Cristo caniac; Agtacderac, Agtacderac ti Carina caniac.


2.  Agtacderac Cari ni Cristo caniac, Uray umay ti bagyo diac agdanag; Gapu ti Sao ti Dios agballigiac, Agtacderac iti Carina.

3.  Agtacderac Cari ni Cristo caniac, Ta Isu naasi ken naayat unay; Inaldaw itdennat' balligi caniac, Agtacderac iti Carina.

4.  Agtacderac Cari ni Cristo caniac, Saanacto a maiwawa iti biag; Ngem iti barucongna aginanaac, Agtacderac iti Carina.